Listabreytin
– ein avbjóðing til tín, sum dámar at arbeiða við list burturav. Endamálið við listabreytini er uppliva listaheimin gjøgnum listasøgu, myndagreining og sjálvstøðugt arbeiði, sum er viðvirkandi at tú mennist persónliga.
- Royna ymiskar tekniteknikkir við blýanti, koli, pastelli osfr.
- Royna ymiskar máliteknikkir so sum akryl, akvarell. Eisini fert tú at mála á lørift.
- Skapa úr ymiskum tilfari, t.d. við leiri.
- Arbeiða við grafikki og installatiónum.
- Læra at úttrykkja tankar og kenslur í listini.
- Tíð til djúphugsni við listarligum uppgávum.
- Vitja Listasavnið, Norðurlandahúsið, Mest, Steinprent og aðrar listaframsýningar í býnum.
- Út at tekna við skitsublokki.
- Arbeiða við fotomyndum.
- Skipa fyri framsýningum.
- Arbeiða við hugskotsmenning.
Listabreytin er breytin, har bara hugflogið setir markið fyri skapanarevnunum. Vit fylgja við í, hvat fyriferst í listaheiminum bæði í Føroyum og úti í heimi, umframt at listin altíð er partur á NámX námsferðini.
Miðað verður ímóti, at listabreytin verður spírin, sum mennir tín listarliga samleika.